प्रशांत वाघाये – पत्रकारिता आणि सामाजिक कार्याचा संगम

दिल्लीतील पत्रकारितेच्या क्षेत्रात विशेष ठसा उमटवणारे प्रशांत वाघाये हे एक उत्तम पत्रकार असून शैक्षणिक आणि सामाजिक कार्य, वक्तृत्व आणि लेखन यामधूनही आपली वेगळी ओळख निर्माण करत आहेत. राजकीय आणि सामाजिक घडामोडींवर सखोल विश्लेषण करणारे, भाषाशैलीत प्रवीण असलेले आणि युवकांसाठी प्रेरणादायी व्यक्तिमत्त्व अशी त्यांची ओळख आहे.

पत्रकारिता

प्रशांत वाघाये सध्या ‘दै. पुढारी’ या प्रतिष्ठित वृत्तपत्राचे दिल्ली प्रतिनिधी म्हणून कार्यरत आहेत. यापूर्वी त्यांनी न्यूज नेशन, टाईम्स ऑफ डेमोक्रसी, देशोन्नती यांसारख्या नामांकित वृत्तवाहिन्या आणि वृत्तपत्रांसोबत काम केले आहे. त्यांनी संसद, विविध राजकीय पक्ष, धोरण निर्मिती आणि सामाजिक विषयांशी संबंधित पत्रकारिता केली आहे. विशेषतः भारतीय राजकारणातील महत्त्वाच्या घडामोडींवर ते उत्तम विश्लेषण करतात.

प्रशांत वाघाये यांनी अनेक महत्त्वाच्या व्यक्तींच्या मुलाखती घेतल्या आहेत, ज्यामध्ये राजकीय नेते, समाजसेवक, कलाकार आणि विचारवंत यांचा समावेश आहे. (यामध्ये महाराष्ट्र भूषण, ज्येष्ठ शिल्पकार राम सुतार, केंद्रीय मंत्री रामदास आठवले, केंद्रीय मंत्री प्रतापराव जाधव, केंद्रीय मंत्री मुरलीधर मोहोळ, राष्ट्रीय महिला आयोगाच्या अध्यक्षा विजया रहाटकर, महाराष्ट्र विधानसभेचे माजी अध्यक्ष नाना पटोले, ज्येष्ठ संपादक आणि माजी राज्यसभा खासदार कुमार केतकर, ज्येष्ठ संपादक संजय आवटे, विचारवंत उल्हास पवार, घटनातज्ज्ञ उल्हास बापट, वनराईचे अध्यक्ष रविंद्र धारिया, सेलिब्रिटी शेफ विष्णू मनोहर, आरजे शोनाली, दिव्यांगांसाठी काम करणारे NAWPC संस्थेचे अध्यक्ष राहुल देशमुख आणि देवता देशमुख यांच्या मुलाखती घेतल्या आहेत) विविध माध्यमांसाठी त्यांनी सामाजिक आणि राजकीय विषयांवर लेखन केले आहे. त्यांची लेखणी विश्लेषणात्मक आणि प्रभावी असून, वाचकांना नव्याने विचार करायला प्रवृत्त करणारी आहे.

सामाजिक कार्य आणि नेतृत्व

महाविद्यालयीन शिक्षण घेत असताना त्यांनी आपल्या मित्रांसोबत स्वप्नपूर्ती फाउंडेशन (स्वप्नपूर्ती बहुउद्देशीय संस्था, लाखनी) ची स्थापना केली. या संस्थेच्या माध्यमातून त्यांनी विविध शैक्षणिक आणि सामाजिक उपक्रम राबवत विदर्भातील युवकांचे एक व्यापक जाळे तयार केले आहे. शिक्षण, करिअर मार्गदर्शन, ग्रामीण भागातील विद्यार्थ्यांसाठी विशेष उपक्रम हे त्यांच्या संस्थेच्या कार्याचा भाग आहेत.

वक्तृत्व आणि लेखन

प्रशांत वाघाये हे उत्तम वक्ते म्हणून ओळखले जातात. ते विविध ठिकाणी भाषा आणि संभाषण कौशल्य, व्यक्तिमत्त्व विकास यांसारख्या विषयांवर मार्गदर्शन करतात. त्यांची भाषणशैली प्रभावी असून, युवकांना प्रेरित करणारी आहे.

प्रशांत वाघाये यांच्या कार्याची दखल घेत त्यांना विविध पुरस्कारांनी सन्मानित करण्यात आले आहे.

शिवजयंती उत्सव समिती, लाखनी तर्फे विशेष युवा पुरस्कार

‘Love: The Key to Optimism’ या पुस्तकासाठी बेस्ट सपोर्टर पुरस्कार

नवीन वाटचाल

पत्रकारितेबरोबरच, समाजातील परिवर्तनशील चळवळींमध्ये त्यांचा सक्रिय सहभाग असतो. नवीन विषयांवर संशोधन आणि तरुणांसाठी प्रभावी व्यासपीठ निर्माण करण्याच्या दिशेने त्यांची वाटचाल सुरू आहे. प्रशांत वाघाये हे केवळ पत्रकार नसून, नव्या विचारांची आणि कृतीशीलतेची ओळख असलेले एक प्रभावी व्यक्तिमत्त्व आहेत.